打雀英雄傳 (1976)

My all time favorite，久唔久就要攞出嚟聽吓！今日的三個「新」發現：

1. 原來是 1976 年的作品，卅幾年！
2. 原來歌詞的故事（包括牌局）極其完整。
3. 原來這是一首惡搞詞作，原作為林穆唱的《射雕英雄傳》佳視電視劇主題曲，我反而從未聽聞！粵語歌的認真惡搞詞作居然有三十幾年歴史。

隻隻字都係粵語文化精粹，仲要稍懂雀局情理，至會聽得明。最愛之一「移燈換凳洗手食煙熨櫃筒」！



《打雀英雄傳》劉杰曲、黎彼得詞

六嬸，三太公，大眾開枱啦面似蓮蓉，
又放工，打餐懵，圍埋砌幾圈呀論呀論英雄，
誰是大英雄。（大英雄）

落手三隻東，度到啱都三叫二五六筒，
截正糊，真陰功，騰騰震呀嬲到面呀面都紅。

上下家，搏晒懵，依牙鬆槓斬眉斬眼打籠通，
係咁鬆，正衰公，難為氹呀仔會浸呀浸蛟龍。

亂咁質，真勢兇，學到足關帝座鎮華容，
恨滿胸，裹蒸粽，翕翕貢呀好似大呀大燈籠。

大相公，小相公，遇老千啲章法亂晒大籠，
食詐餬，包出沖，氹氹轉呀好似大呀大灰熊。

執咗位，起個風，移燈換凳洗手食煙熨櫃桶，
轉下運，確唔同，連隨吔幾舖我露呀露歡容。

混一色，碰七筒，一揀白板發財做眼槓紅中，
六八筒，叫卡窿，原來咁呀橋佢係呀係七筒。

掘尾籠，起勢攻，大四喜揸晒南北西東，
做牌，講天聰，頻頻滿呀餬我做呀做英雄，時勢做英雄。（大英雄）