樂滿多嘴雞扒飯

（撩到污哩單刀才拍照，其實係好好食的 >.<。）

又說樂滿。有幾千字想寫，竟然再一次被樂滿搶了閘。

真心，呢碟飯好細咩？

我叫了煎雞扒飯，哥仔話：「得我 whatsapp 你。」我唔知佢係同我講(笑)。

得咗，佢真係話：「收唔收到 whatsapp 呀？雞扒飯得喇。」

我話：「少啲飯。」
「仲要少？」
「少啲啲啦。」

哥仔減了啲啲飯：「咁少？」喂，都仲有一大碗啦，佢竟然責難我：「係咪食飯咖你！」

我被拋窒咗，胡亂應了句：「夜啦嘛。」講真，與我同年紀的女性，我真係唔識任何人食飯食得多過我。食飯方面，我一直都很傑出。

由於就快打烊，快餐店內沒有客，哥仔與其他同僚粗口橫飛，好不開心。

八時五十九分，食完走人。我見哥仔坐在後邊休息，說了聲拜拜。他吩咐我：「下次唔好咁晏喇。」然後又話：「講笑啫。」

其實我係唔識佢咖喎，只是認得，畢竟我由中一就食樂滿。聯合道拆樓拆到只幾個舖位以外，我常常擔心隨時樂滿無得做。所以，我的 griefing process 其實一早開始咗。我常想，這種頑皮多嘴的哥仔（同收銀姐仔<-佢啲粗口都唔輸蝕）萬一要「淪落」到大家樂做機械人，那會是多麼沒趣和可惜。